ரஜினியுடன் இத்தனை ஆண்டுகளாக சேர்ந்து நடிக்காதது ஏன் என்று மாணவர்கள் கேள்விக்கு பதில் அளித்தார் கமல்ஹாஸன்.

​வேலூர் விஐடி பல்கலைக்கழகத்தில் நான்கு நாட்கள் நடந்த விஐடி ரிவேரா -2010 நிகழ்தச்சியின் நிறைவு விழாவில் செவ்வாய்க்கிழமை பங்கேற்றார் கமல்ஹாஸன். நிகழ்ச்சியின்போது மாணவர்களின் கேள்விகளுக்கு அவர் அளித்த பதில்கள்:

​எனது ரோல்மாடல் ஈ.வெ.ராமசாமிதான்.​ நான் படிக்காவிட்டாலும்,​​ என் வாழ்க்கை எப்போதும் திறந்த புத்தகமாகவே உள்ளது.​ யார் வேண்டுமானாலும் படித்துக் கொள்ளலாம்.​ எனது வாழ்க்கை ஒரு அற்புதமான பயணம்.​ அதில் எந்த குருவும் குருதட்சணை கேட்கவில்லை.

​நடிகர் திலகம் சிவாஜி கணேசனின் கனவை நனவாக்கி வருகிறேன்.​ எனக்குப் பிறகு,​​ நாளைய கலைஞன் வந்துவிட்டார்.​ அவரைத் தேடும் முயற்சியில் ஈடுபட்டுள்ளேன்.​ அவர் கிடைத்துவிட்டால்,​​ நடிப்பதற்கு ஓய்வு கொடுத்துவிட்டு,​​ படம் பார்க்கச் சென்றுவிடுவேன்.

ரஜினியுடன் இணைந்து நடிக்கத் தயாரா?​

​ரஜினியுடன் இணைந்து நடிப்பதற்கு நான் தயாரா என்பது இருக்கட்டும்... படம் எடுக்கத் தயாரிப்பாளர்கள் யார் தயாராக உள்ளனர்?​ இதனால்தான் உங்களின் ​(மாணவர்களின்)​ இந்த எதிர்பார்ப்பு நிறைவேறாமல் உள்ளது.

ஹாலிவுட் திரைப்படத்தில் நடிக்கும் எனது கனவு பற்றி கேட்கிறீர்கள்.​ ஆனால்,​​ அமெரிக்கா சென்று விருது வாங்குவதைத் தவிர்த்து,​​ அமெரிக்கர்கள் இந்தியாவுக்கு வந்து விருது வாங்கும் நிலை வர வேண்டும்.​ இதுதான் எனது கனவு..., என்றார் கமல்.


Related Entertainment News:

கமலின் அடுத்த பட தலைப்பு... யாவரும் கேளிர்!
Udhayanidhi Debuts With Kamal Haasan
கமல்ஹாஸன் நாடகம்: கருணாநிதிக்கு பிரமாண்ட விழா